Om Swastyastu,

 Pamungkah Bulan Bahasa Bali SMA Negeri 2 Amlapura kamargiang ring

rahina Wraspati Umanis, Wuku Pahang pinanggal 9 Wulan Februari warsa 2023. Bulan

Bahasa Bali sane kaping 5 puniki maunteng "Segara Kerthi: Campuhan Urip Sarwa

Prani". Pepalihan Bulan Bahasa Bali puniki kamargiang nue tetujon wantah

ngelestariang seni lan budaya ring Bali pinaka ngelanturang pangaptin pemerintah.

Ring parikrama pamungkah puniki, pinaka pemahbah kesobyahang ngewacen

sloka olih sisia Ida Wayan Adnyana lan I Komang Astama Wiguna. Pinaka Pamungkah

Bulan Bahasa Bali puniki kecihnayang antuk pemukulan gong meswara ping 3 olih

bapak Kepala Sekolah SMAN 2 Amlapura, I Wayan Puja Astawa S.Pd., M.Pd.

Parikrama puniki, mepaiketan saking implementasi Visi Nangun Sat Kerthi Loka Bali

sane kaambil saking Pola Pembangunan Semesta Berencana menuju Bali Era Baru.

Visi puniki medue sukseme ngalestariang kasucian lan keharmonisan Alam Bali lan

dagingnyane, mangda prasida ngamolihang kahuripan Krama Bali sane ngawetuang

rasa bagia lan rahayu. Sakancan kegiatan punika matetujon ngawerdiang antuk unteng

"Segara Kerthi Campuhan Urip Sarwa Prani".

Bulan Bahasa Bali SMA Negeri 2 Amlapura puniki kemargiang wimbakara

minakadi:

1. Nyurat Baligrafi.

2. Ugrawakia

3. Ngwacen Puisi Bali Anyar.

4. Nyurat Lontar.

Melarapan wimbakara puniki, para sisia mesadya ngemiletin sahananing daging

wimbakara punika. Pinaka warga Bali, sampun marupa swadharma iraga sareng sami

ngawerdiang seni lan budaya Bali.

Dumogi rahayu sareng sinamian. Pinaka pamuput kasineb antuk parama santih, Om

Santih, Santih, Santih Om.

WIDYALOKA MY PRIDE!!!