Om Swastyastu

Rahina Soma Umanis, Wuku Sungsang pinanggal 19 Pebruari warsa 2024, kalaksanayang acara Pamungkah Bulan Bahasa Bali SMA Negeri2 Amlapura warsa kaping VI sane maunteng Jana Kerthi: Dharma Sadhu Nuragasane mateges Bulan Bahasa Bali pinaka stana nyiwiang Basa, Aksara, miwah Sastra Bali, pinaka wit dharma, wicaksana, tur tresna asih sane ngukuhang Jana Kerthi Krama Bali. Parikrama Bulan Bahasa Bali ring warsa puniki Kamargiang nganutin tetujon mangda para sisya SMA Negeri 2 Amlapura stata ngelestariang Bahasa, Budaya lan Aksara Bali ring sajeroning kauripan serahina.

Pamahbah Bulan Bahasa Bali warsa kalih tali patlikur puniki kasobyahang antuk Nembangang Palawakya olih sisya I Gusti Ngurah Bimasena Dipratama lan I Gusti Putu Wira Kusuma Udayana. Selanturnyane kalaksayang Sabrama Wacana saking Manggala SMA Negeri 2 Amlapura raris antuk Nepak Gong masuwara kaping 3 lan sinarengan Ngeberang Balon pinaka cihna Pamungkah Bulan Bahasa Balikaping VI olih Bapak I Wayan Puja Astawa S.Pd.,M.Pd. pinaka Manggala SMA Negeri 2 Amlapura kasarengin olih Ibu Analis SDM miwah Wakasek makesami.

Bulan Bahasa Bali kaping VI ringwarsa 2024 puniki kamiletin olih sisya kelas X miwah XI SMA Negeri 2 Amlapura. Parikrama puniki kalaksanayang makudang-kudang wimbakara sane patut kamiletinolih soang-soang kelas, wimbakara punika minakadi :

1.Wimbakara Baligrafi

2.Wimbakara Ngwacen Puisi Bali Anyar

3.Wimbakara Matembang Pop Bali

Dumogi para yoana sareng samiprasida ngelestariang Bahasa, Budaya miwah Aksara Bali mangda Jagad Bali stataajeg lan rahayu. Pinaka pamuput kasineb antuk parama santih.

Om Santih, Santih, Santih Om

Go Back